Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se describe:

Solicitante: Unión Fenosa Distribución, S.A.

Domicilio social: A Batundeira, 2, 32960 Velle.

Denominación: LMT Frieira.

Situación: Padrenda.

Características técnicas: LMT aérea de 555 m, a 20 kV, con condutor LA-110, con orixe no apoio existente de formigón 12/2A da LMT FRI801 e remate no apoio existente metálico da LMT, FRI801 á altura do CT Agra de Desteriz 32AH25 e do CT Frieira.

Orzamento: 27.122,97 euros.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Curros Enríquez, 1-4º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Ourense, 2 de abril de 2013

Gabriel Diéguez Domínguez
Xefe territorial de Ourense