Por Resolución do 11 de novembro de 2011, pola que se aproba a admisión a trámite de solicitudes de dereitos mineiros, admitiuse a trámite a solicitude presentada pola sociedade Marmolarías, S.L. da concesión directa de explotación Begoña, de 4 cuadrículas mineiras, para a explotación de recursos mineiros da sección C), serpentina, no termo municipal de San Sadurniño, na provincia da Coruña.
A esta solicitude correspóndelle o número 7126 do rexistro mineiro da provincia da Coruña.
A designación do terreo é a seguinte:
Punto |
Lonxitude (W) |
Latitude (N) |
1 |
8º 00’ 00’’ |
43º 31’ 40’’ |
2 |
7º 59’ 20’’ |
43º 31’ 40’’ |
3 |
7º 59’ 20’’ |
43º 31’ 00’’ |
4 |
8º 00’ 00’’ |
43º 31’ 00’’ |
A solicitude foi admitida definitivamente, salvo mellor dereito e sen prexuízo de terceiros.
Todas as persoas que se consideren afectadas por esta concesión directa poderán examinar o expediente na Sección de Minas da Xefatura Territorial da Consellería de Economía e Industria da Coruña, Edificio Administrativo Monelos, 2º andar, rúa Vicente Ferrer nº 2, A Coruña, e alegar por escrito todo o que crean oportuno. Para iso, terán un prazo de trinta días hábiles, que comezarán a contar desde o día seguinte en que se publique este anuncio no Diario Oficial de Galicia, segundo o establecido polo artigo 21 da Lei 3/2008, do 23 de maio, de ordenación da minaría de Galicia (DOG núm. 109, do 6 de xuño).
A Coruña, 18 de marzo de 2013
Susana Mª Vázquez Romero
Xefa territorial da Coruña