O 2 de xaneiro de 2013 foi publicado no Diario Oficial de Galicia o anuncio da aprobación inicial do Plan xeral de ordenación municipal xunto coa suspensión de licenzas.

Por Acordo do Pleno extraordinario e urxente do 27 de marzo de 2013, o Pleno da Corporación, por unanimidade, acordou proceder a retirar o Plan xeral de ordenación municipal.

En sesión ordinaria do 9 de abril de 2013, o Pleno da Corporación, por unanimidade, acordou extinguir os efectos da suspensión de licenzas derivada da aprobación inicial do Plan xeral de ordenación municipal, motivado no acordo de retirada do PXOM.

O que se fai público para os efectos oportunos.

Monforte de Lemos, 10 de abril de 2013

Severino Rodríguez Díaz
Alcalde