José Rodríguez Fontao solicitou desta alcaldía, licenza municipal para proxecto modificado ao proxecto para legalización de actividade e ampliación dunha corte de vacún de carne e fosa de xurro que se situará en Treilán-Gondrame. En cumprimento do disposto no artigo 8.3 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este –que empezará a contarse desde o día seguinte ao da inserción deste edicto no Boletín Oficial da provincia e no Diario Oficial de Galicia– poidan examinar o expediente, na Secretaría deste concello, as persoas que dalgún xeito se consideren afectadas polas actividades que se pretende instalar e formular por escrito as reclamacións ou observacións que se xulguen oportunas.

O Páramo, 8 de marzo de 2013

Gumersindo A. Rodríguez Liz
Alcalde presidente