Por non ser posible notificar polo servizo de Correos, e de conformidade co disposto no artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común (BOE núm. 285, do 27 de novembro) modificada pola Lei 4/1999, do 13 de xaneiro (BOE núm. 16, do 19 de xaneiro), mediante este anuncio notificaselles aos interesados cuxo último domicilio coñecido se sinala no anexo a resolución pola que se executa o aval núm. 0049-1467-26-210000077 que se constituíu para a adquisición da parcela núm. 29 do parque empresarial de Palas de Rei.
Os interesados poderán comparecer, no prazo de dez días hábiles contados desde o seguinte ao da publicación deste anuncio, nas oficinas do Instituto Galego da Vivenda e Solo, situadas no polígono das Fontiñas, s/n, en Santiago de Compostela, das 9.00 ás 14.00 horas, de luns a venres, para o coñecemento íntegro da mencionada resolución e constancia de tal coñecemento.
A citada resolución pon fin á vía administrativa e contra ela poderá interpoñerse potestativamente recurso de reposición ante o mesmo órgano que a ditou no prazo dun mes a partir do día seguinte ao da súa notificación. Así mesmo, poderá interpoñer directamente recurso contencioso-administrativo, á súa elección, ante o xulgado do contencioso-administrativo correspondente ao seu domicilio ou no de Santiago de Compostela, no prazo de dous meses contados a partir do día seguinte ao da notificación desta resolución, consonte co establecido nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 21 de marzo de 2013
Antonio José Boné Pina
Director xeral do Instituto Galego de Vivenda e Solo
ANEXO
Acto de notificación: resolución pola que se executa o aval núm. 0049-1467-26-210000077 que se constituíu para a adquisición da parcela núm. 29 do parque empresarial de Palas de Rei.
Interesados:
– Promociones y Construcción Urbanas de Palas de Rei, S.L.
– López Lea Promociones, S.L.
Enderezo: avda. de Ourense, 29, baixo, 27200 Palas de Rei (Lugo).