Por acordo do Pleno do 28 de febreiro de 2013 foi aprobado definitivamente o proxecto de expropiación por taxación conxunta dos bens e dereitos necesarios correspondentes ao sistema local viario SLV-2 do PXOM do Concello de Leiro, cuxa parte dispositiva é do teor literal seguinte:

1º. Estimar parcialmente as alegacións formuladas por Teresa Fariña Mateo, mediante escrito do 5 de xaneiro de 2013, no exclusivo aspecto de recoñecer que as parcelas núm. 164, 282, 283 e 286 pertencen con carácter ganancial a Teresa Fariña Mateo e ao seu cónxuxe Andrés Guillermo Deive Franco.

2º. Estimar parcialmente as alegacións formuladas por Andrés Guillermo Deive, mediante escrito presentado o 10 de xaneiro de 2013, no exclusivo aspecto de recoñecer que as parcelas núm. 164, 282, 283 e 286 pertencen con carácter ganancial a Teresa Fariña Mateo e ao seu cónxuxe Andrés Guillermo Deive Franco.

3º. Desestimar as restantes alegacións formuladas por Teresa Fariña Mateo mediante escrito do 5 de xaneiro de 2013 (R.E. nº 19 de 9.1.2013) e por Andrés Guillermo Deive Franco, mediante escrito do 10 de xaneiro de 2013 (R.E. nº 34 do 15.1.2013), polos motivos sinalados nos informes que figuran no expediente.

4º. Aprobar definitivamente o expediente expropiatorio tramitado mediante procedemento de taxación conxunta, dos bens e dereitos incluídos no ámbito do sistema local viario SLV-2 do PXOM do Concello de Leiro, e declarar a necesidade de ocupación, con carácter de urxencia, dos seguintes bens e dereitos necesarios:

5º. Publicar o presente acordo de aprobación definitiva no Diario oficial de Galicia.

6º. Notificar o presente acordo aos interesados propietarios e titulares de bens e dereitos que figuran no expediente, conferíndolles un prazo de vinte días durante o que poderán manifestar por escrito a súa desconformidade coa valoración establecida no expediente aprobado.

Se os interesados non formulasen oposición á valoración no citado prazo de vinte días, entenderase aceptada a que se fixou no acto aprobatorio do expediente, entendéndose determinado o prezo xusto definitivamente e de conformidade.

Leiro, 7 de marzo de 2013

Francisco José Fernández Pérez
Alcalde

ANEXO