De conformidade co disposto no artigo 92.2 da Lei 9/2002, do 30 de decembro (Louga), faise público para xeral coñecemento que o Pleno desta Corporación municipal, na sesión extraordinaria realizada o 8 de marzo de 2013, acordou modificar o acordo de aprobación definitiva da modificación puntual do proxecto do Plan parcial dos sectores de solo urbanizable público programado B1 e B2 adoptado polo Pleno da Corporación na sesión ordinaria do 17 de xaneiro de 2013, incorporando ao expediente o informe favorable emitido pola Comisión Superior de Urbanismo de Galicia na sesión do 6 de marzo de 2013.

Tamén se adoptou na mesma sesión extraordinaria o acordo de corrixir o erro material detectado na xustificación do cumprimento dos estándares legais en canto a prazas de aparcamento, modificando neste sentido o número 7.3.1.3 da memoria.

Contra este acordo, que pón fin á vía administrativa, poderase interpor recurso contencioso-administrativo perante o xulgado do contencioso-administrativo no prazo de 2 meses contados desde o día seguinte ao da publicación deste anuncio, segundo dispón o artigo 46.1 da Lei 29/1998, do 13 de xullo, reguladora da xurisdición contencioso-administrativa, ou utilizar calquera outro recurso que se considere oportuno.

Deste acordo de aprobación definitiva daráselle traslado á Xunta de Galicia nos termos previstos no artigo 92.3 da Louga.

Boiro, 14 de marzo de 2013

Juan José Dieste Ortigueira
Alcalde