José Graciano Pérez Pérez solicitou neste concello licenza municipal para a apertura dun local destinado a taller de mecánica de vehículos automóbiles e mecánica rápida na rúa Deputación, 75, baixo, deste municipio. En cumprimento do disposto no Decreto 133/2008 polo que se regula a avaliación de incidencia ambiental, o expediente sométese a información pública por un prazo de vinte días hábiles, contados a partir do seguinte ao da aparición deste anuncio no Boletín Oficial da provincia e no Diario Oficial de Galicia, para que poida ser examinado na Secretaría deste concello e presentar as reclamacións que consideren oportunas.

O Barco de Valdeorras, 28 de febreiro de 2013

Alfredo García Rodríguez
Alcalde