En cumprimento do establecido no Real decreto 1110/2007 e na Orde ministerial ITC 3860/2007, BEGASA está a levar a cabo o plan de substitución dos actuais contadores mecánicos, por contadores electrónicos integrados nun sistema de telexestión. Con data 22 de outubro de 2009, a Dirección Xeral de Política Enerxética e Minas do Ministerio de Industria do Goberno de España, autorizou o sistema de telexestión e telemedida, os equipamentos asociados e os protocolos específicos de BEGASA. Así mesmo, a Dirección Xeral de Industria, Enerxía e Minas da Consellería de Economía e Industria da Xunta de Galicia, emite unha resolución o 2 de xullo de 2009, pola que se aproba o plan de substitución de equipamentos de medida en subministracións de baixa tensión do parque de distribución de BEGASA. A instalación, totalmente gratuíta para o usuario, levarase a cabo en cumprimento do citado plan, nos seguintes municipios e durante o período indicado do presente ano:
Cervo (segundo trimestre); Mondoñedo (segundo trimestre); Ribadeo (segundo semestre); Vilalba (segundo semestre); A Pontenova (cuarto trimestre) e Abadín (cuarto trimestre).
Lugo, 12 de marzo de 2013
Luis García Santalla
Director xerente de BEGASA