Pacita Cobelo González solicitou neste concello licenza de inicio de actividade de explotación de porco celta para ceba en extensivo que se desenvolverá nas parcelas nº 204 e 205 do polígono 503, sitas no lugar coñecido como Sisto, s/n, na parroquia de Lamas, coa superficie continua de 17.275 m² na cal se edificará unha construción de 31,20 m² para protección dos animais e, cumprindo o disposto no artigo 86 da Lei 30/1992, do 26 de novembro, de réxime xurídico das administracións públicas e do procedemento administrativo común, e no artigo 8 do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de 20 días hábiles, co fin de que durante ese prazo (que comezará a contarse desde o día seguinte ao da inserción deste anuncio no Boletín Oficial da provincia, no Diario Oficial de Galicia e no taboleiro de anuncios do Concello de San Sadurniño), poidan examinar o expediente nas oficinas deste concello, das 9.00 ás 14.00 horas, as persoas, sociedades ou entidades que, dalgún xeito, se consideren afectadas pola actividade que se pretende iniciar e formular por escrito as alegacións que consideren oportunas.
San Sadurniño, 22 de febreiro de 2013
Secundino García Casal
Alcalde