Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición da autorización administrativa da instalación eléctrica que se cita:

Solicitante: Unión Fenosa Distribución, S.A.

Domicilio social: avenida de Arteixo, 171, 15007 A Coruña.

Denominación: LMTS, CTC lugar de Lamelas, Someso.

Situación: concello da Coruña.

Características técnicas:

– Liña de media tensión soterrada a 15/20 kV, cunha lonxitude de 20 m, coa orixe en empalmes proxectados na LMTS EIR-701, tramo entre CS Seat (expediente 654/07) e o CT zona deportiva Someso (expediente 313/09), condutor tipo RHZ1 2OL 12/20 kV 3(1×240 Al), e final no centro de transformación enterrado no lugar de Lamelas proxectado.

– Centro de transformación prefabricado, cunha potencia de 630 kVA e unha relación de transformación de 15.000/400-230 V.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no Edificio Administrativo Monelos, rúa Vicente Ferrer, 2, 2º andar, 15071 A Coruña, no prazo de vinte días, a partir da última publicación.

A Coruña, 21 de febreiro de 2013

Susana Vázquez Romero
Xefa territorial da Coruña