Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:
Solicitante: Avícola Melidense, S.L.
Domicilio social: r/ Codeseira, 35, 3º C, Melide.
Denominación: LMTA a 20 kV e CTA de 50 kVA.
Situación: concello de Palas de Rei.
Características técnicas:
– LMTA a 20 kV con orixe no P 105 da liña PAL 806-Coto 6 e final no CTA proxectado, cunha lonxitude de 90 metros en condutor LA-56.
– CTA sobre apoio de formigón, cunha potencia de 50 kVA e unha relación de transformación de 20.000 V/400-230 V.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
Lugo, 8 de febreiro de 2013
José Manuel Vázquez Leirado
Xefe territorial de Lugo