Neste concello atópase en trámite expediente promovido por Bruno Rodríguez Pardo para a obtención de licenza de construción dunha nave de vacún e almacén de insumos de explotación e balsa para almacenamento de esterco procedente de explotación vacún, en Fonteca.
En cumprimento do disposto no artigo 8.3 do Decreto 133/2008, do 12 de xuño, da Consellería de Medio Ambiente e Desenvolvemento Sostible, polo que se regula a avaliación de incidencia ambiental, sométese a información pública polo prazo de vinte (20) días, contados a partir do seguinte ao da publicación deste edicto no Diario Oficial de Galicia e no Boletín Oficial da provincia, respectivamente, co obxecto de que o poidan examinar, na Secretaría do concello, en horas de oficina, as persoas que dalgún modo se consideren afectadas pola actividade que se pretende instalar e formular por escrito as reclamacións u observacións que consideren oportunas.
Monforte de Lemos, 20 de febreiro de 2013
Severino Rodríguez Díaz
Alcalde