A Presidencia da Xunta Electoral de Galicia, en cumprimento do Decreto 37/2013, do 21 de febreiro, da Presidencia da Xunta de Galicia (DOG núm. 41, do 27 de febreiro), procedeu ao nomeamento dos membros integrantes da Xunta Electoral de Galicia.

Deste xeito dáselle contido ao disposto no artigo 15 da Lei autonómica 8/1985, do 13 de agosto, de eleccións ao Parlamento de Galicia, onde se establece que os nomeados por decreto, ao comezo de cada lexislatura, permanecerán no exercicio do seu mandato ata a toma de posesión da nova xunta electoral.

Na súa virtude, e ao abeiro do disposto no artigo 18.6º da Lei orgánica 5/1985, do 19 de xuño, en execución do acordo adoptado pola Xunta Electoral de Galicia na reunión do día de hoxe, esta presidencia resolveu declarar:

O día 1 de marzo de 2013 constitúese a Xunta Electoral de Galicia cos seguintes membros:

Presidente: Miguel Ángel Cadenas Sobreira, presidente do Tribunal Superior de Xustiza de Galicia (artigo 14.1º a) da Lei 8/1985, do 13 de agosto).

Vicepresidente: Juan Luis Martínez López, maxistrado do Tribunal Superior de Xustiza de Galicia (artigo 14.1º b).

Vogais: maxistrados do Tribunal Superior de Xustiza de Galicia (artigo 14.1º c):

Pablo Ángel Sande García.

Julio C. Díaz Casales.

José Ramón Chaves García.

Vogais: profesores en activo das facultades de Dereito de Santiago de Compostela, A Coruña e Vigo (artigo 14.1º d):

Xavier Constenla Vega.

Ángel Gómez-Iglesias Casal.

Jesús Martínez Girón.

Santiago Antonio Roura Gómez.

Secretario: Xosé Antón Sarmiento Méndez, letrado maior do Parlamento (artigo 15.2º).

O que se publica para xeral coñecemento.

A Coruña, 1 de marzo de 2013

Miguel Ángel Cadenas Sobreira
Presidente da Xunta Electoral de Galicia