Unha vez vistas as solicitudes dos participantes no concurso para a provisión de postos de traballo vacantes da Xunta de Galicia, convocado pola Orde do 28 de novembro de 2012 (Diario Oficial de Galicia núm. 230, do 3 de decembro), esta dirección xeral

RESOLVE:

Aprobar as relacións provisionais de solicitantes admitidos e excluídos do concurso para a provisión de postos de traballo vacantes na Administración especial da Xunta de Galicia.

A lista de solicitantes admitidos atópase á disposición dos interesados no Rexistro Xeral e Información da Vicepresidencia e Consellería de Presidencia, Administracións Públicas e Xustiza, nas oficinas de rexistro e información dos edificios administrativos da Xunta de Galicia, nas oficinas comarcais da Xunta de Galicia e na páxina web da Xunta de Galicia (www.xunta.es), na epígrafe «Función Pública».

A lista de excluídos figura como anexo a esta resolución.

Os interesados disporán dun prazo de dez días hábiles, contados a partir do día seguinte ao da publicación desta resolución no Diario Oficial de Galicia, para presentar reclamacións que irán dirixidas a Dirección Xeral da Función Publica, Consellería de Facenda, Edificio Administrativo San Caetano, s/n, Santiago de Compostela.

Os solicitantes que non figuren na relación de admitidos nin na de excluídos disporán do mesmo prazo para formular a súa reclamación.

Os solicitantes que dentro do prazo sinalado non emenden os defectos motivo da exclusión serán definitivamente excluídos.

Santiago de Compostela, 6 de marzo de 2013

José María Barreiro Díaz
Director xeral da Función Pública

ANEXO