A Lei 9/2002, do 30 de decembro, de ordenación urbanística e protección do medio rural de Galicia, prevé, no seu artigo 232, modificado pola Lei 15/2004, do 29 de decembro, a creación do Xurado de Expropiación de Galicia como órgano colexiado permanente da nosa Comunidade Autónoma especializado nos procedementos para a fixación do prezo xusto na expropiación forzosa, cando a Administración expropiante sexa a Comunidade Autónoma ou as entidades locais do seu ámbito territorial.
O dito precepto establece, entre outros aspectos, a composición deste xurado, desenvolvida mediante o Regulamento de organización e funcionamento do Xurado de Expropiación de Galicia, aprobado mediante o Decreto 223/2005, do 16 de xuño.
O artigo 4.7 deste regulamento establece respecto da composición do xurado que distintos organismos, entidades e colexios profesionais proporán, cada un deles, un representante que actuará como vogal titular. Así mesmo, queda prevista a designación, do mesmo xeito, dun vogal suplente que actuará en caso de vacante, ausencia, enfermidade ou calquera outra causa que imposibilite a asistencia daquel titular.
O artigo 4.8, parágrafo 2, deste regulamento establece que os vogais a que se refire o parágrafo anterior poderán ser substituídos polas entidades, organizacións e asociacións que os designase, e os así nomeados permanecerán no seu cargo, como máximo, polo tempo que lle restase ao substituído para o cumprimento do seu mandato.
En virtude da Orde do 21 de xuño de 2010, pola que se nomean vogais do Xurado de Expropiación de Galicia (publicada no DOG nº 125, do 2 de xullo), realizouse o nomeamento de vogais, titulares e suplentes, en representación de varios destes organismos e entidades. A Asociación e o Colexio Oficial de Enxeñeiros de Montes de Galicia, polo período que lles corresponde por tempo de mandato, achegaron solicitude de cambio do suplente do representante da institución, así como de continuidade do representante do organismo/entidade mencionados.
Por todo iso,
DISPOÑO:
Artigo único
Noméanse as persoas que se relacionan a seguir como vogais do Xurado de Expropiación de Galicia, en representación da Asociación e o Colexio Oficial de Enxeñeiros de Montes de Galicia, segundo o disposto no artigo 4.2.f) do Decreto 223/2005, do 16 de xuño.
Titular: Santiago Couceiro López.
Suplente: Juan Fernández Conti.
Santiago de Compostela, 18 de febreiro de 2013
Agustín Hernández Fernández de Rojas
Conselleiro de Medio Ambiente, Territorio e Infraestruturas
