Anúnciase que o Concello Pleno, en sesión ordinaria do día 4 de xaneiro de 2013, adoptou entre outros, o seguinte acordo, cuxa parte dispositiva di:

«O Pleno do Concello, por unanimidade, adoptou o seguinte acordo:

Aprobar definitivamente o estudo de detalle da unidade de execución UE 15 do Plan especial de protección e reforma interior do casco histórico de Ourense, redactado por encargo do Concello de Ourense, segundo o último documento técnico rectificado remitido no seu día a informe da Administración autonómica competente en materia de patrimonio cultural.

Contra a presente resolución, que é definitiva na vía administrativa, poderase interpor recurso contencioso-administrativo ante o Tribunal Superior de Xustiza de Galicia, no prazo de dous meses contado desde o día seguinte ao da recepción da notificación.

Non obstante, poderase interpoñer calquera outro recurso que se coide oportuno.

Todo isto en aplicación dos artigos 52 da Lei 7/1985, do 2 de abril, de bases de réxime local, artigo 194 e concordantes do Real decreto 2568/1996, do 28 de novembro; 58, 59, 107, 109 e concordantes da Lei 30/1992, do 26 de novembro, de réxime xurídico das administracións públicas e do procedemento administrativo común, así como os artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa».

Con data do 13 de febreiro de 2013, recibiu o expediente a Consellería de Medio Ambiente, Territorio e Infraestruturas.

Ourense, 13 de febreiro de 2013

Agustín Fernández Gallego
Alcalde presidente