Conforme os criterios reitores das bases de mobilidade voluntaria do persoal estatutario fixo, correspondentes ás categorías de persoal sanitario diplomado e de formación profesional e de persoal de xestión e servizos das institucións sanitarias de atención especializada do Servizo Galego de Saúde, aprobados pola Mesa Sectorial o 23 de decembro de 2009, a Xerencia Executiva de Cee, tras o proceso de negociación coa representación legal dos traballadores do seu ámbito e con base na alínea e) do artigo 13 do Decreto 168/2010, do 7 de outubro, polo que se regula a estrutura organizativa de xestión integrada do Servizo Galego de Saúde, e no cal se establece como función e competencia do xerente executivo a asunción da responsabilidade da xestión de todos os recursos asignados ao seu ámbito de competencia para garantir a prestación dos servizos definidos na carteira de servizos,

RESOLVE:

1. Anunciar a convocatoria do concurso de traslados internos nas categorías profesionais de ATS/DUE e de técnicos en coidados auxiliares de enfermaría no ámbito do Hospital Virxe da Xunqueira, así como aprobar as súas bases reguladoras e o baremo de méritos que rexerán a convocatoria, contidos respectivamente nos anexos I e II.

2. Ordenar a publicación no taboleiro de anuncios do Hospital Virxe da Xunqueira da convocatoria, das bases reguladoras desta convocatoria (anexo I), do baremo de méritos (anexo II) e da relación, para os efectos da mobilidade interna, dos postos vacantes existentes no centro en cada categoría profesional das convocadas.

Contra esta resolución que pon fin á vía administrativa poderá interpoñerse recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ao da súa publicación no Diario Oficial de Galicia. Potestativamente, no prazo dun mes, poderase interpoñer recurso de reposición ante este centro directivo.

Cee, 4 de febreiro de 2013

Ramón Ares Rico
Xerente executivo de Cee