En sesión que tivo lugar o 7 de febreiro de 2013, o tribunal nomeado pola Orde do 11 de outubro de 2011 (DOG núm. 201, do 20 de outubro) e pola Orde do 16 de novembro de 2011 (DOG núm. 220, do 17 de novembro) para cualificar o proceso selectivo para o ingreso no corpo superior de administración da Xunta de Galicia, subgrupo A1, escala de sistemas e tecnoloxía da información, adoptou, de conformidade co establecido nas bases da convocatoria, os seguintes acordos:

Primeiro. Desestimar a totalidade das reclamacións presentadas contras as puntuacións do cuarto exercicio.

Segundo. Publicar como anexo a esta resolución a relación de aspirantes que superaron o proceso selectivo, por orde das puntuacións obtidas e con indicación do seu documento nacional de identidade.

De conformidade coa base IV.2 da convocatoria, os aspirantes dispoñen dun prazo de vinte (20) días naturais, contados a partir do día seguinte ao da publicación no Diario Oficial de Galicia desta relación de aprobados, para presentar a documentación prevista nas letras a), b), c) e d) da citada base e, se for o caso, a indicada na base IV.4. da convocatoria.

Terceiro. Elevar esta relación ao titular da Dirección Xeral da Función Pública para os efectos de que os aspirantes que figuran nela sexan propostos para o seu nomeamento como funcionarios de carreira.

Contra esta resolución as persoas interesadas poderán interpoñer recurso de alzada ante a conselleira de Facenda, no prazo dun mes, contado desde o día seguinte ao da publicación desta resolución no Diario Oficial de Galicia, conforme o disposto nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 7 de febreiro de 2013

Mª José García Sexto
Presidenta do tribunal

ANEXO

Promoción interna