DOG 36 do 20/02/2013 - ACORDO do 23 de xaneiro de 2013, da Xefatura Territorial de Ourense, pola que se fai pública a Resolución do 4 de xaneiro de 2013 da Consellería de Economía e Industria pola que se declara a condición de mineiro-medicinal e termal das augas das captacións Outariz nº 77 e Outariz nº 83, situadas no concello de Ourense.

VI. Anuncios

a) Administración autonómica

Consellería de Economía e Industria

ACORDO do 23 de xaneiro de 2013, da Xefatura Territorial de Ourense, pola que se fai pública a Resolución do 4 de xaneiro de 2013 da Consellería de Economía e Industria pola que se declara a condición de mineiro-medicinal e termal das augas das captacións Outariz nº 77 e Outariz nº 83, situadas no concello de Ourense.

A pedimento do Concello de Ourense, a Consellería de Economía e Industria, unha vez cumpridos todos os preceptos legais e regulamentarios, resolve o seguinte:

Declarar a condición de mineiro-medicinal e termal das augas procedentes das captacións nomeadas Outariz nº 77 e Outariz nº 83, situadas no concello de Ourense, declaración que queda suxeita aos requisitos establecidos na Lei 5/1995, do 7 de xuño, de regulación das augas minerais, termais, de manancial e dos establecementos balnearios da Comunidade Autónoma de Galicia.

Ourense, 23 de xaneiro de 2013

Gabriel Diéguez Domínguez
Xefe territorial de Ourense