No Xulgado do Contencioso-Administrativo número 2 de Pontevedra tramítase o recurso 487/2012 (procedemento abreviado), interposto por María Esther Couceiro López contra a Resolución do 25 de setembro de 2012, da directora de Recursos Humanos do Servizo Galego de Saúde, desestimatoria do recurso de alzada interposto pola recorrente contra a Resolución do 1 de xuño de 2012, da Xerencia de Xestión Integrada de Pontevedra e O Salnés, pola que se convoca o procedemento de mobilidade interna voluntaria para o persoal fixo das categorías de xestión e servizos, persoal sanitario diplomado e sanitario de formación profesional do Complexo Hospitalario de Pontevedra (DOG nº 123, do 28 de xuño).
O que se notifica para xeral coñecemento de todas as persoas interesadas no procedemento, que son emprazadas para que poidan comparecer no xulgado como demandadas no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 30 de xaneiro de 2013
Margarita Prado Vaamonde
Directora de Recursos Humanos