O número 5 da base sexta B) da Resolución do 27 de xullo de 2010 (Diario Oficial de Galicia número 149, do 5 de agosto), pola que se convoca concurso-oposición libre para o ingreso en diversas clases de persoal sanitario funcionario ao servizo da comunidade autónoma incluído no ámbito de aplicación da Lei 17/1989, do 23 de outubro, dispón que, á vista das reclamacións presentadas e realizadas, de ser o caso, as oportunas correccións á baremación inicialmente asignada, o tribunal publicará a relación de aspirantes pola orde de puntuación acadada, así como os/as aspirantes definitivamente seleccionados/as, e elevará esta relación á autoridade convocante.
De conformidade co disposto na indicada base, este tribunal,
ACORDA:
Primeiro. Publicar nos taboleiros de anuncios dos servizos centrais e periféricos da Consellería de Sanidade e do Servizo Galego de Saúde, así como na páxina web www.sergas.es, a puntuación definitiva obtida polas/os aspirantes da clase de inspector médico, no proceso selectivo convocado por Resolución do 27 de xullo de 2010 (DOG nº 149, do 5 de agosto).
Segundo. Publicar como anexo a esta resolución a relación de aspirantes definitivamente seleccionadas/os por orde de puntuacións obtidas e elevar a devandita relación á Dirección de Recursos Humanos do Servizo Galego de Saúde, para os efectos de que as/os aspirantes que figuren nela sexan propostas/os para o seu nomeamento como funcionarias/os de carreira.
Terceiro. Co fin de verificar o cumprimento dos requisitos previstos na base segunda, no seu punto 1, números 3 e 4 da resolución de convocatoria, as/os aspirantes definitivamente seleccionadas/os deberán achegar, inescusablemente, a seguinte documentación no prazo de vinte días naturais contados a partir do día seguinte ao da publicación desta resolución.
a) Declaración, baixo a súa responsabilidade, de non ter sido separadas/os mediante expediente disciplinario do servizo de calquera Administración pública, nin estar inhabilitadas/os por sentenza firme para o exercicio de funcións públicas. No caso dos nacionais doutros Estados, non estar inhabilitadas/os, por sanción ou pena, para o acceso a funcións ou servizos públicos nun Estado membro, nin estar separadas/os por sanción disciplinaria dalgunha das súas administracións ou servizos públicos.
b) Certificado médico oficial en que se acredite a capacidade funcional necesaria para o desempeño das funcións propias da clase que deriven do correspondente nomeamento.
A documentación dirixirase á Dirección Xeral de Recursos Humanos do Servizo Galego de Saúde.
As persoas aspirantes que, dentro do prazo indicado, agás os casos de forza maior, non presenten a documentación exixida non poderán ser nomeadas funcionarias de carreira da respectiva clase e anularanse todas as súas actuacións, sen prexuízo da responsabilidade en que puidesen incorrer por falsidade na solicitude inicial.
Cuarto. Esta resolución poderá ser impugnada polas/os interesadas/os nos termos previstos no número 3 da base oitava da citada convocatoria.
Santiago de Compostela, 30 de xaneiro de 2013
Mercedes Lanza Gándara
Presidenta do tribunal
ANEXO
Nº |
Apelidos e nome |
Acceso |
DNI |
Oposición |
Concurso |
Total |
1 |
Tesouro Moraño, María del Mar |
L |
36120960N |
152,966 |
90,000 |
242,966 |
2 |
Fernández Zas, Eva María |
L |
32430985L |
130,585 |
90,000 |
220,585 |
3 |
Puga Muñoz, Concepción |
L |
34907525B |
109,659 |
90,000 |
199,659 |
4 |
Picher Núñez, Margarita |
L |
33241616S |
137,571 |
58,500 |
196,071 |
5 |
Ferreiro Abelairas, Ana Belén |
L |
33320486H |
118,501 |
76,500 |
195,001 |
6 |
Gómez Varela, Margarita |
L |
34256286V |
140,001 |
42,000 |
182,001 |
7 |
Rivas Costa, Gonzalo |
L |
33320048V |
127,254 |
0,000 |
127,254 |