Segundo o artigo 11 da Lei 4/2006, do 30 de xuño, de transparencia e boas prácticas na Administración pública galega (DOG nº 136, do 14 de xuño), establécese que as entidades de dereito público vinculadas ou dependentes da Comunidade Autónoma de Galicia deberán publicar cuadrimestralmente no Diario Oficial de Galicia unha relación dos convenios de colaboración asinados no cuadrimestre anterior.
Para dar cumprimento ao anteriormente exposto e en virtude das facultades que teño concedidas,
RESOLVO:
Único. Facer pública a relación dos convenios subscritos pola Fundación para o Fomento da Calidade Industrial e o Desenvolvemento Tecnolóxico de Galicia nos meses de maio, xuño, xullo e agosto do ano 2012, que se anexa a esta resolución.
Santiago de Compostela, 10 de setembro de 2012
J. Higinio Antuña Álvarez
Xerente da Fundación para o Fomento da Calidade Industrial
e o Desenvolvemento Tecnolóxico de Galicia
ANEXO
Convenio |
Data |
Achega económica |
Convenio de colaboración entre a Fundación e o Consorcio para o Desenvolvemento de Aplicacións Informáticas de Xestión Universitaria de Galicia (CIXUG), para o apoio ás actividades en materia de software libre e de fontes abertas. |
22.5.2012 |
90.000 € |
Convenio de colaboración entre a Fundación e as Asociacións Galegas de Usuarios de Software Libre (AGUSL), para o desenvolvemento do software libre en Galicia. |
22.5.2012 |
40.000 € |
Convenio de colaboración coa Asociación de Empresas Galegas do Software Libre (Agasol), para a realización de actuacións de promoción do software libre e de fontes abertas e o uso de estándares abertos en Galicia. |
22.5.2012 |
30.000 € |
Convenio de cooperación educativa asinado coa Fundación Universidade de Vigo para a realización de prácticas académicas externas. |
22.5.2012 |
Sen achega |
Convenio de colaboración coa Universidade de Santiago de Compostela para a realización de prácticas externas do alumnado da USC. |
14.6.2012 |
Sen achega |