De conformidade co disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, faise pública a resolución, ditada no procedemento de baixa de autorización e cancelación no Rexistro de Empresas e Actividades Turísticas do establecemento relacionado, xa que, intentada a notificación, non se puido realizar esta polos medios habituais.
Contra esta resolución, que non esgota a vía administrativa, poderase interpor recurso de alzada, ante a Secretaría Xeral para o Turismo, no prazo dun mes contado a partir do día seguinte ao da súa publicación no Diario Oficial de Galicia, de conformidade co establecido na Lei 30/1192, do 26 de novembro, modificada pola Lei 4/1999, do 13 de xaneiro.
A Coruña, 22 de xaneiro de 2013
Mª Carmen Ramallal Molina
Xefa de servizo de Turismo da Coruña
ANEXO
Establecemento: Casa de Hóspedes Vanessa.
Titular: Ana Rosa Díaz Peralta.
Enderezo: avda. do Exército, 48-7º.
Concello: A Coruña.