Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: Avda. de Arteixo, 171, 15007 A Coruña.
Denominación: recuamento LMT avda. de Fisterra, nº 331.
Situación: concello da Coruña.
Características técnicas: recuamento da liña aereosubterránea dobre circuíto (GRN-737 e GRN-742) media tensión (expediente 15.252), a 15 kV, cunha lonxitude de 0,826 km, con orixe nos empalmes que se van realizar na GRN-732 e na GRN-742 e remate no apoio existente s/n nun dobre paso aereosubterráneo que se vai instalar, en condutor RHZ1-2OL-12/20 kV 3(1×240) mm² Al.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada, ante o conselleiro de Economía e Industria, no prazo dun mes contado a partir do día seguinte ao da notificación desta resolución. Tamén se poderá interpor calquera outro recurso que se considere pertinente.
A Coruña, 10 de xaneiro de 2013
Susana Vázquez Romero
Xefa territorial da Coruña