Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: adecuación CT Montouto-Santa Cristina.
Situación: concello de Abegondo.
Características técnicas: reforma do centro de transformación (CT) non prefabricado Montouto-Santa Cristina (expediente 50.388), coa instalación dun transformador de potencia de 160 kVA, e unha relación de transformación de 15/0,4-0,23 kV, así como autoválvulas, interruptor tetrapolar de BT rede de terras interior e reparación da caseta de obra civil existente.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, situada no Edificio Administrativo Monelos; rúa Vicente Ferrer, 2, 2º andar, 15071 A Coruña, no prazo de vinte días a partir da última publicación.
A Coruña, 10 de xaneiro de 2013
Susana Vázquez Romero
Xefa territorial da Coruña