O artigo 54 do texto refundido da Lei de réxime financeiro e orzamentario de Galicia indica que se a Lei de orzamentos xerais non for aprobada polo Parlamento de Galicia antes do primeiro día do exercicio económico en que deba aplicarse, consideraranse automaticamente prorrogados os do exercicio inmediato anterior.
O Decreto 263/2012, do 27 de decembro, regula as condicións da prórroga dos orzamentos xerais da Comunidade Autónoma de Galicia para o ano 2012. De conformidade coa súa disposición adicional segunda, durante o período de prórroga continuará en vigor, coas excepcións da súa adaptación ao establecido neste decreto, o texto articulado da Lei de orzamentos xerais da Comunidade Autónoma para 2012.
Neste sentido, o artigo 35 da Lei 11/2011, do 26 de decembro, de orzamentos xerais da Comunidade Autónoma de Galicia para o ano 2012, autoriza a realización das operacións financeiras recollidas na indicada lei, mediante a emisión de débeda pública ou a concertación de créditos.
Así mesmo, no artigo 33 de la Lei de réxime financeiro e orzamentario de Galicia establécese que as emisións de débeda pública ou operacións de crédito que realice a Comunidade terán que ser autorizadas, en todo caso, polo conselleiro de Economía e Facenda dentro dos límites sinalados pola lei, ao cal lle corresponderá, tamén, autorizar as súas características técnicas e o seu tipo de xuro, se estes non fosen determinados pola súa lei de creación. Esta facultade corresponde na actualidade á conselleira de Facenda, en virtude da nova estruturación dos departamentos da Xunta de Galicia, regulada polos decretos 227/2012, do 2 de xaneiro, e 235/2012, do 5 de decembro.
Mediante Acordo do Consello de Ministros do 18 de xaneiro de 2013 obtívose a autorización establecida no artigo 14.3 da Lei orgánica 8/1980, do 22 de setembro, de financiamento das comunidades autónomas.
Por todo isto,
DISPOÑO:
Artigo 1
Autorízase unha emisión de débeda pública da Comunidade Autónoma de Galicia (o «emisor») por un importe nominal de 500 millóns de euros. Esta emisión realízase baixo a forma de obrigacións sénior, non garantidas e non subordinadas da Xunta de Galicia (as «obrigacións»), representadas mediante anotacións en conta, ao abeiro dos artigos 55 e seguintes da Lei 24/1988, do 28 de xullo, do mercado de valores.
A emisión de débeda pública que autoriza a presente orde terá as características que se detallan a continuación:
Importe nominal da emisión: cincocentos (500) millóns de euros.
Data da emisión e desembolso: 30 de xaneiro de 2013.
Data de vencemento: 3 de abril de 2017, con suxeición á convención de día hábil seguinte non axustado (following unadjusted).
Prezo de emisión por obrigación: ao par (100 % do importe nominal de cada obrigación) libre de gastos para o subscritor.
Importe nominal de cada obrigación: mil (1.000) euros.
Entidade colocadora: BBVA.
Subscrición: a emisión das obrigacións está destinada a investidores cualificados e o seu desembolso será realizado a través da entidade colocadora da emisión na data de emisión e desembolso, coa intervención do Banco de España de acordo cos procedementos que este ten establecidos para os membros do mercado de débeda pública en anotacións.
Cupón: as obrigacións devindicarán e o emisor pagará un cupón por períodos de xuro vencidos, de acordo coas seguintes regras:
(i) O primeiro período de xuro iniciarase na data de emisión e desembolso e finalizará o 3 de abril de 2014.
(ii) Os seguintes períodos de xuros serán anuais, pagándose o cupón o día 4 de cada mes de abril, a partir do 3 de abril de 2015 e ata a data de vencemento.
(iii) Cada período de devindicación de cupóns vai desde unha data de pagamento de cupóns (inclusive) á seguinte (excluída), no entendemento de que o primeiro período de devindicación de cupóns comezará na data de emisión e desembolso e o último finalizará na data de vencemento.
Convención de día hábil: cando calquera data de pagamento teña a consideración de inhábil no sistema Target, ou aquel que poida substituílo no futuro, o pagamento dos cupóns e o reembolso pola amortización das obrigacións efectuaranse no día hábil seguinte segundo o calendario do dito sistema.
O tedor dos valores non terá dereito a percibir xuros como consecuencia dese posible atraso.
Nos casos en que, de acordo coa lexislación vixente, sexa aplicable a devolución da retención practicada nos cupóns desta emisión, será o Banco de España o que xestione o correspondente procedemento, segundo se establece na Orde da Consellería de Economía e Facenda do 16 de xuño de 2004, publicada no Diario Oficial de Galicia o día 18 de xuño.
Cotización: as obrigacións estarán representadas mediante anotacións en conta e inscritas na Sociedad de Gestión de los Sistemas de Registro, Compensación y Liquidación de Valores, S.A. (Iberclear) e solicitarase a súa admisión a negociación no mercado de débeda pública en anotacións na forma prevista nos artigos 55 e seguintes da Lei 24/1988, do 28 de xullo, do mercado de valores, e nos demais preceptos legais aplicables na materia.
Fiscalidade: de conformidade co previsto no artigo 14.5 da Lei orgánica 8/1980, do 22 de setembro, de financiamento das comunidades autónomas, esta emisión goza dos mesmos beneficios e condicións que a débeda pública do Estado.
Amortización das obrigacións: as obrigacións serán amortizadas na súa totalidade ao par (100 % do importe nominal de cada obrigación), na data de vencemento, o 3 de abril de 2017.
Tipo de xuro: para cada un dos períodos de xuro, o tipo de xuro será o 5,763 % nominal anual.
Os xuros calcularanse sobre a base de cálculo Act/Act, sen axuste ningún de cada período de devindicación de cupóns como resultado da convención de día hábil. Para tales efectos, Act/Act ten o significado que se lle asigna nas definicións ISDA 2006 publicadas pola International Swaps and Derivatives Association.
Pagamento de xuros e amortización: o pagamento dos xuros e a amortización da débeda realizaraos o Banco de España, de acordo co establecido no Convenio marco do 7 de novembro de 2005, sobre prestación do servizo de tesouraría y do servizo financeiro de débeda pública.
Lei aplicable: as obrigacións e todas as cuestións que deriven ou garden relación coas obrigacións rexeranse e interpretaranse de conformidade coas leis españolas.
Xurisdición: os tribunais da cidade de Santiago de Compostela teñen xurisdición exclusiva para resolver calquera disputa que xurda ou estea relacionada coas obrigacións.
Artigo 2
Autorízase unha emisión de débeda pública da Comunidade Autónoma de Galicia (o «emisor») por un importe nominal de 300 millóns de euros. Esta emisión realízase baixo a forma de obrigacións sénior, non garantidas e non subordinadas da Xunta de Galicia (as «obrigacións»), representadas mediante anotacións en conta, ao abeiro dos artigos 55 e seguintes da Lei 24/1988, do 28 de xullo, do mercado de valores.
A emisión de débeda pública que autoriza a presente orde terá as características que se detallan a continuación:
Importe nominal da emisión: trescentos (300) millóns de euros.
Data da emisión e desembolso: 30 de xaneiro de 2013.
Data de vencemento: 3 de abril de 2018, con suxeición á convención de día hábil seguinte non axustado (following unadjusted).
Prezo de emisión por obrigación: ao par (100 % do importe nominal de cada obrigación) libre de gastos para o subscritor.
Importe nominal de cada obrigación: mil (1.000) euros.
Entidade colocadora: BBVA.
Subscrición: a emisión das obrigacións está destinada a investidores cualificados e o seu desembolso será realizado a través da entidade colocadora da emisión na data de emisión e desembolso, coa intervención do Banco de España de acordo cos procedementos que este ten establecidos para os membros do mercado de débeda pública en anotacións.
Cupón: as obrigacións devindicarán e o emisor pagará un cupón por períodos de xuro vencidos, de acordo coas seguintes regras:
(i) O primeiro período de xuro iniciarase na data de emisión e desembolso e finalizará o 3 de abril de 2014.
(ii) Os seguintes períodos de xuros serán anuais, pagándose o cupón o día 4 de cada mes de abril, a partir do 3 de abril de 2015 e ata a data de vencemento.
(iii) Cada período de devindicación de cupóns vai desde unha data de pagamento de cupóns (inclusive) á seguinte (excluída), no entendemento de que o primeiro período de devindicación de cupóns comezará na data de emisión e desembolso e o último finalizará na data de vencemento.
Convención de día hábil: cando calquera data de pagamento teña a consideración de inhábil no sistema Target, ou aquel que poida substituílo no futuro, o pagamento dos cupóns e o reembolso pola amortización das obrigacións efectuaranse no día hábil seguinte segundo o calendario do dito sistema.
O tedor dos valores non terá dereito a percibir xuros como consecuencia dese posible atraso.
Nos casos en que, de acordo coa lexislación vixente, sexa aplicable a devolución da retención practicada nos cupóns desta emisión, será o Banco de España o que xestione o correspondente procedemento, segundo se establece na Orde da Consellería de Economía e Facenda do 16 de xuño de 2004, publicada no Diario Oficial de Galicia o día 18 de xuño.
Cotización: as obrigacións estarán representadas mediante anotacións en conta e inscritas na Sociedad de Gestión de los Sistemas de Registro, Compensación y Liquidación de Valores, S.A. (Iberclear) e solicitarase a súa admisión a negociación no mercado de débeda pública en anotacións na forma prevista nos artigos 55 y seguintes da Lei 24/1988, do 28 de xullo, do mercado de valores, y nos demais preceptos legais aplicables na materia.
Fiscalidade: de conformidade co previsto no artigo 14.5 de la Lei orgánica 8/1980, do 22 de setembro, de financiamento das comunidades autónomas, esta emisión goza dos mesmos beneficios e condicións que a débeda pública do Estado.
Amortización das obrigacións: as obrigacións serán amortizadas na súa totalidade ao par (100 % do importe nominal de cada obrigación), na data de vencemento, o 3 de abril de 2018.
Tipo de xuro: para cada un dos períodos de xuro, o tipo de xuro será o 6,131 % nominal anual.
Os xuros calcularanse sobre a base de cálculo Act/Act, sen axuste ningún de cada período de devindicación de cupóns como resultado da convención de día hábil. Para tales efectos, Act/Act ten o significado que se lle asigna nas definicións ISDA 2006 publicadas pola International Swaps and Derivatives Association.
Pagamento de xuros e amortización: o pagamento dos xuros e a amortización da débeda realizaraos o Banco de España, de acordo co establecido no Convenio marco do 7 de novembro de 2005, sobre prestación do servizo de tesouraría y do servizo financeiro de débeda pública.
Lei aplicable: as obrigacións e todas as cuestións que deriven ou garden relación coas obrigacións rexeranse e interpretaranse de conformidade coas leis españolas.
Xurisdición: os tribunais da cidade de Santiago de Compostela teñen xurisdición exclusiva para resolver calquera disputa que xurda ou estea relacionada coas obrigacións.
Disposición derradeira
Esta orde terá efectos o mesmo día da súa publicación no Diario Oficial de Galicia.
Santiago de Compostela, 29 de xaneiro de 2013
Elena Muñoz Fonteriz
Conselleira de Facenda