A Xunta de Goberno Local, en sesión levada a cabo o día 28 de decembro de 2012, acordou aprobar inicialmente o plan de sectorización SRAU-C San Xoán. As consecuencias do dito acordo son as seguintes:

a) Por aplicación do artigo 77 da LOUG, o acordo de aprobación inicial determina por si só a suspensión do procedemento de outorgamento de licenzas de edificación, parcelación ou demolición no ámbito do sector delimitado.

b) Procederase á notificación e publicacións regulamentarias e petición simultánea de informes sectoriais.

c) Someter o citado plan a información pública polo prazo dun mes de acordo co establecido no artigo 86.2 da Lei 9/2002, do 30 de decembro.

O expediente pode consultarse no 5º andar das oficinas de Urbanismo do Concello de Ferrol, sitas na rúa María, nº 52-54, Ferrol, das 9.00 ás 14.00 horas.

O que se fai público para xeral coñecemento.

Ferrol, 9 de xaneiro de 2013

José Manuel Rey Varela
Alcalde