A Lei orgánica 4/2007, do 12 de abril (BOE do 13 de abril), pola que se modifica a Lei orgánica 6/2001, do 21 de decembro, de universidades, na súa disposición adicional segunda, dispón o seguinte:
1. «... os profesores titulares de escola universitaria que, no momento de entrada en vigor da lei, posúan o título de doutor ou o obteñan posteriormente, e se acrediten especificamente no marco do previsto polo artigo 57, accederán directamente ao corpo de profesores titulares de universidade, nas súas propias prazas...».
3. «Os que non accedan á condición de profesor titular de universidade permanecerán na súa situación actual mantendo todos os seus dereitos e conservando a súa plena capacidade docente e, de ser o caso, investigadora».
Polo tanto, unha vez comprobado o cumprimento polas persoas interesadas dos requisitos establecidos e consonte o disposto nas citadas disposicións adicionais e no uso das atribucións conferidas ao meu cargo pola Lei orgánica de universidades e o Decreto 28/2004, do 22 de xaneiro (DOG 9.2.2004 e BOE 22.4.2004), polo que se aproban os estatutos da Universidade de Santiago de Compostela, resolvo o seguinte:
Queda integrado no corpo de profesores titulares de universidade, o profesorado funcionario do corpo de profesores titulares de escola universitaria, pertencente a esta universidade, que se relaciona a continuación, que queda adscrito ao mesmo departamento, área de coñecemento e centro en que estivera no seu corpo de orixe:
Apelidos e nome |
DNI |
Área de coñecemento |
Data de efectos da integración |
Fernández Blanco, María Teresa |
52483682-M |
Didáctica da matemática |
26.9.2012 |
Iglesias Becerra, Antonio |
33839710-V |
Produción animal |
8.8.2012 |
Riesco Muñoz, Guillermo |
50814834-Z |
Enxeñaría agroforestal |
21.9.2012 |
Contra a presente resolución, que esgota a vía administrativa, poderase interpor recurso contencioso-administrativo no prazo de dous meses contados dende o día seguinte ao da súa publicación no Boletín Oficial del Estado, de conformidade co disposto na Lei 29/1998, do 13 de xullo, reguladora da xurisdición contencioso-administrativa. Potestativamente poderase interpor recurso de reposición ante o reitor da Universidade de Santiago de Compostela, no prazo dun mes contado a partir do día seguinte ao da devandita publicación, en cuxo caso non se poderá interpor o recurso contencioso-administrativo antes mencionado ata que sexa resolto expresamente ou se producise a desestimación presunta do de reposición, conforme o previsto nos artigos 116 e 117 da LRX-PAC.
Santiago de Compostela, 3 de xaneiro de 2013
Juan José Casares Long
Reitor da Universidade de Santiago de Compostela