Aprobado inicialmente o Plan xeral de ordenación municipal (PXOM), por acordo plenario do 27.11.2012, de conformidade co artigo 85.2 da Lei 9/2002, do 30 de decembro, de ordenación urbanística e protección do medio rural de Galicia, sométese o expediente (no que se inclúe o informe de sustentabilidade ambiental) a información pública polo prazo de dous meses contados desde o día seguinte ao da publicación deste anuncio no Diario Oficial de Galicia.
A documentación que forma o expediente poderá ser examinada nas dependencias municipais, durante o devandito prazo, por calquera persoa interesada en coñecela e en formular as alegacións que considere pertinentes.
Quedan suspendidas, durante dous anos, as licenzas urbanísticas en todo o termo municipal, salvo nos casos que cumpran simultaneamente o planeamento vixente e o PXOM aprobado inicialmente. En calquera caso, esta suspensión extinguirase coa aprobación definitiva do plan.
Coles, 30 de novembro de 2012
Manuel Rodríguez Vázquez
Alcalde