Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: LMTS, CT As Fontiñas-Polígono 4.

Situación: concello de Santiago de Compostela.

Características técnicas:

Liña eléctrica de media tensión subterránea, a 20 kV, cunha lonxitude de 0,773 km, coa orixe na subestación de San Caetano e remate no CT Concheiros (expediente IN407A 211/2012), condutor tipo RHZ1-2OL-12/20 kV, (1×240 Al).

Liña eléctrica de media tensión subterránea, a 20 kV, cunha lonxitude de 0,967 km, coa orixe e remate nos empalmes que se van realizar na LMTS SCY805 entre o CT Súarez-Noia (expediente 30.283), unha vez entre e saia dos tres CT proxectados, en condutor tipo RHZ1-2OL-12/20 kV (1×240 Al).

Centro de transformación prefabricado polígono 4-nº 3, cunha potencia de 400 kVA, e unha relación de transformación de 20.000/400-230 V.

Centro de transformación prefabricado polígono 4-nº 1 e nº 2, cunha potencia de 800 (2×400) kVA, e unha relación de transformación de 20.000/400-230 V.

Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución da devandita instalación cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.

A instalación executarase nun prazo non superior a un ano, contado a partir da data desta resolución.

Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

A Coruña, 28 de novembro de 2012

Susana Vázquez Romero
Xefa territorial da Coruña