Visto o expediente para outorgamento de autorización administrativa e aprobación do proxecto de execución da instalación eléctrica que a continuación se describe:
Solicitante: Frunatur, S.A.
Domicilio social: rúa 1, nº 10, 32901 San Cibrao das Viñas.
Denominación: CS, LMT e CT Frunatur.
Situación: San Cibrao das Viñas.
Características técnicas:
– Centro de seccionamento.
– LMT subterránea de 190 m a 20 kV, con condutor RHZ1-12/20 kV e con orixe na LMT subterránea de Fenosa e remate no CT proxectado prefabricado, de 250 kVA, R/T 20000/400-230 V.
Orzamento: 72.047,95 euros.
Cumpridos os trámites ordenados na Lei 54/1997, do 27 de novembro, do sector eléctrico, e no capítulo II, título VII do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da devandita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderá interpoñer recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén poderá interpoñer calquera outro recurso que estime pertinente ao seu dereito.
Ourense, 29 de novembro de 2012
Gabriel Diéguez Domínguez
Xefe territoriral de Ourense