Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Distribuidores Electricidad, S.A. (Udesa).
Domicilio social: rúa José Ángel Valente, 17, baixo, local 62, 15706 Santiago de Compostela.
Denominación: LMTS CT Loxo.
Situación: Touro.
Características técnicas:
– Liña de media tensión soterrada (LMTS) a 20 kV, cunha lonxitude de 0,477 km, en condutor RHZ1-2OL-12/20 kV 3×(1×240) mm2 Al, con orixe na cela de liña existente no CT Goleta (expediente IN407A 2007/419); retírase para iso o condutor que sae cara ao paso aéreo-soterrado existente (expediente IN407A 2007/419), nun primeiro tramo de 131 m sobre canalización existente (expediente IN407A 2007/419), e final no paso aéreo-soterrado para realizar en apoio nº 38 proxectado de tipo HV-15/4500, en substitución do apoio existente da LMT Millares-Quión (expediente IN407A 2002/247), onde está situado o CT Tribas (Loxo) (expediente IN407A 2005/534).
– Desmontaxe da liña aérea recollida no proxecto de reforma LMT a CTI Vilanova e LMT CT A Goleta-Loxo (expediente IN407A 2007/419) entre o paso aéreo-soterrado existente cara ao citado CT Goleta e o apoio proxectado nº 38 citado.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 28 de novembro de 2012
Susana Vázquez Romero
Xefa territorial da Coruña