1. Entidade adxudicadora.
a) Organismo: Consellería do Medio Rural e do Mar.
b) Dependencia que tramita o expediente: Servizo de Contratación.
2. Obxecto do contrato.
a) Tipo: servizo.
b) Descrición do obxecto: servizo integrado de helicópteros e brigadas helitransportadas con destino á prevención e defensa contra incendios forestais durante as precampañas e campañas dos anos 2013 e 2014 (proposta 28/12-I).
c) División por lotes e número: si.
Lote 1: servizo de helicópteros de tipo lixeiro, co persoal das brigadas helitransportadas correspondentes.
Lote 2: servizo de helicópteros de tipo medio, co persoal das brigadas helitransportadas correspondentes.
d) Prazo de execución: dende a sinatura do contrato ata o 31 de decembro de 2014, con posibilidade de prórroga.
e) Admisión de prórroga: si.
f) CPV: 60442000-8.
3. Tramitación e procedemento de adxudicación: ordinaria e anticipada de gasto; aberto, suxeito a regulación harmonizada.
Criterios de adxudicación: cuantificables mediante fórmulas.
4. Orzamento base de licitación.
Importe neto: 12.388.254,88 € (exento de IVE), cuxa distribución por lotes é a que se especifica no prego de cláusulas administrativas particulares.
Valor estimado: 34.773.155,36 €, incluídas posibles prórrogas e modificacións previstas.
5. Financiamento: fondos propios da comunidade autónoma.
6. Requisitos específicos do contratista.
a) Clasificación, se é o caso (grupo, subgrupo, categoría): grupo R, subgrupo 6, categoría D, segundo epígrafe I da carátula.
b) Solvencia económica e financeira e solvencia técnica e profesional, segundo as letras J e K da carátula.
7. Garantías exixidas.
Definitiva: lote 1: 215.461,72 €; lote 2: 403.951,02 €.
8. Obtención da documentación e información.
a) Entidade: Secretaría Xeral Técnica da Consellería do Medio Rural e do Mar. Servizo de Contratación.
b) Domicilio: Edificio Administrativo de San Caetano, nº 5, 2º andar, 15781 Santiago de Compostela.
c) Teléfonos: 981 54 57 42 e 981 54 40 29 (consultas administrativas), 981 54 74 41 e 981 54 60 63 (consultas técnicas).
d) Telefax: 981 54 40 47.
e) Correo electrónico: licitacion.medioruralemar@xunta.es
f) Data límite de obtención de documentos e información: ata a data límite de presentación das ofertas, todos os días laborables, excepto sábados, das 9.00 ás 14.00 horas.
Tamén se poderán obter os pregos relativos a esta contratación a través da internet no enderezo www.contratosdegalicia.es/resultado.jsp?N=18073
9. Presentación das ofertas.
a) Data límite de presentación: o 15 de xaneiro de 2013.
b) Documentación que hai que presentar: a indicada no prego de cláusulas administrativas particulares.
c) Lugar de presentación: o único rexistro válido será a oficina de Rexistro Único e Información da Xunta de Galicia (Edificio Administrativo de San Caetano, s/n, 15781 Santiago de Compostela). Poderase enviar por correo dentro do prazo de admisión sinalado a este rexistro único. Cando a oferta se envíe por correo certificado dentro do prazo de admisión, o licitador deberá xustificar a data de imposición do envío na oficina de Correos e anunciarlle a súa remisión ao órgano de contratación no mesmo día, mediante telegrama, burofax ou fax (981 54 40 47).
d) Prazo en que o licitador estará obrigado a manter a súa oferta: dous (2) meses contados desde a data de apertura das proposicións.
10. Apertura das ofertas.
a) Enderezo: sala de xuntas da Secretaría Xeral Técnica da Consellería do Medio Rural e do Mar.
b) Localidade e código postal: Santiago de Compostela, 15781.
c) Datas e horas: a apertura dos sobres B terá lugar, en acto público, ás 12.00 horas do 24 de xaneiro de 2013.
11. Gastos de publicidade: serán por conta do/s adxudicatario/s.
12. Data de envío do anuncio ao Diario Oficial de la Unión Europea: 7 de decembro de 2012.
13. Outras informacións: establecemento de obrigas contractuais esenciais (cláusula Z da carátula).
Santiago de Compostela, 10 de decembro de 2012
P.D. (Orde 30.3.2012; DOG nº 70, do 12 de abril)
Francisco José Vidal-Pardo Pardo
Secretario xeral técnico da Consellería do Medio Rural e do Mar
