Para os efectos de darlle cumprimento ao solicitado polo Xulgado do Contencioso-Administrativo número 2 de Ourense, en relación co procedemento ordinario núm. 295/2012, interposto por Pedro Brandón Añón, contra a resolución desestimatoria do recurso potestativo de reposición, ditada pola Axencia de Protección da Legalidade Urbanística no expediente de reposición da legalidade urbanística núm. 107B 2009/43-0, polo que se declara ilegalizables as obras executadas en solo rústico, sen autorización urbanística autonómica, consistentes na construción dunha edificación, no lugar do Hospicio, Anllo, concello de San Amaro, esta dirección resolveu ordenar a remisión do correspondente expediente ao Xulgado do Contencioso-Administrativo número 2 de Ourense.

Polo exposto, mediante a presente resolución emprázase a María del Carmen Iglesias Castro e a Zoila Iglesias Castro para que poidan comparecer como interesadas nos autos no prazo de nove días, de acordo co disposto no artigo 49.1 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 10 de decembro de 2012

María Martínez Allegue
Directora da Axencia de Protección da Legalidade Urbanística