A xefa do Servizo de Inspección Urbanística III acordou, o 22 de outubro de 2012, incoar expediente de reposición da legalidade urbanística a Marcelino Labrador Cabricano polas obras realizadas en solo rústico, sen a preceptiva autorización autonómica, consistentes na instalación de dúas casetas prefabricadas de madeira acaroadas sobre soleira de formigón e instalación doutra caseta prefabricada de madeira complementaria das anteriores, no lugar de Ribeiras, no termo municipal de Friol, provincia de Lugo.
Ao non poderse realizar a notificación persoal do devandito acordo, mediante a presente cédula, e ao amparo do disposto no artigo 59.5 da Lei 30/1992, de réxime xurídico das administracións públicas e do procedemento administrativo común (LRXPAC), notifícase ao interesado o devandito acordo.
Tendo en conta que, en atención ao previsto no artigo 61 da LRXPAC, o acto non se publica na súa integridade, comunícase ao interesado que o texto íntegro do acordo que se notifica encóntranse ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar-Salgueiriños, en Santiago de Compostela, para a súa consulta no prazo de 10 días hábiles, que se contarán desde o día seguinte ao da publicación desta cédula. Transcorrido o devandito prazo, a notificación entenderase producida.
O interesado dispón dun prazo de 15 días hábiles, contados a partir do día seguinte a aquel en que se producise a notificación desta cédula, para alegar e presentar os documentos e informacións que consideren pertinentes e, se é o caso, propoñer proba concretando os medios de que pretendan valerse.
Para que conste, e lle sirva de notificación ao citado interesado en cumprimento do disposto no artigo 59.5 da LRXPAC, expido e asino esta cédula.
Santiago de Compostela, 28 de novembro de 2012
María Martínez Allegue
Directora da Axencia de Protección da Legalidade Urbanística