Sebastián Santiago Fernández solicita a concesión administrativa de ocupación dunha parcela de terreos de dominio público portuario do porto do Xufre, na Illa de Arousa, para a construción e explotación de bar restaurante, segundo o proxecto básico redactado en xullo de 2012 polo arquitecto Santiago Domínguez Baltar.
O que se fai público para os efectos previstos no artigo 85.3 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante (BOE número 253, do 20 de outubro), para que as persoas e entidades interesadas poidan examinar o expediente e presentar por escrito as alegacións que consideren oportunas nas oficinas da Zona Sur de Portos de Galicia, sitas na rúa Benito Corbal, 37-3º, 36001 Pontevedra, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia.
Pontevedra, 8 de novembro de 2012
Mateo Ruibal Fernández
Enxeñeiro xefe da Zona Sur de Portos de Galicia