A deputación provincial solicitou a licenza de construción de punto limpo e nave comarcal da actividade de oficinas e almacén de residuos, sometida a avaliación de incidencia ambiental e neste concello tramítase o expediente oportuno.

De acordo coa lexislación vixente sobre actividades molestas, insalubres, nocivas e perigosas, tal e como establece o artigo 8.3 do Decreto 133/2008, do 12 de xuño, polo que se regula a avaliación de incidencia ambiental, procédese a abrir o período de información pública durante un prazo de vinte días hábiles mediante anuncio no Diario Oficial de Galicia e no Boletín Oficial da provincia para que as persoas que estean afectadas dalgún xeito pola dita actividade presenten as observacións que consideren pertinentes. O prazo comezará a contarse desde o día seguinte ao da inserción deste anuncio no Boletín Oficial da provincia de Ourense e no Diario Oficial de Galicia.

O expediente obxecto desta información pódese consultar nas oficinas municipais en horario de oficina.

Vilamartín de Valdeorras, 6 de novembro de 2012

Enrique Álvarez Barreiro
Alcalde