O Concello de Vilamartín de Valdeorras está a tramitar expediente de delimitación de solo do núcleo rural de Valdegodos. Vista a aprobación inicial do expediente, e tras a adaptación dos informes sectoriais preceptivos, vista a súa modificación substancial, de conformidade co disposto na disposición adicional segunda da Lei 9/2002, do 30 de decembro, de ordenación urbanística e protección do medio rural de Galicia, e na redacción dada a esta pola Lei 2/2010, do 25 de marzo, o expediente sométese a información pública polo prazo dun mes que comezará a contar desde o día seguinte ao da publicación deste anuncio no Diario Oficial de Galicia e en dous xornais La Voz de Galicia e La Región.

No caso de se producir a inserción en datas diferentes, o prazo computará desde a última publicación.

Durante este prazo poderá examinarse o expediente, na Secretaría do concello, de luns a venres das 9.00 ás 14.00 horas.

Vilamartín de Valdeorras, 30 de novembro de 2012

Enrique Álvarez Barreiro
Alcalde