En virtude do establecido nos artigos 4.13º e 34.2º da Lei 1/1983, do 22 de febreiro, de normas reguladoras da Xunta e da súa Presidencia, e 28 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, por proposta da conselleira de Sanidade, e logo de deliberación do Consello da Xunta de Galicia, na súa reunión do día cinco de decembro de dous mil doce,

DISPOÑO:

Que cese Esperanza Fernández Lago como directora de Recursos Humanos do Servizo Galego de Saúde, agradecéndolle os servizos prestados.

Santiago de Compostela, cinco de decembro de dous mil doce

Rocío Mosquera Álvarez
Conselleira de Sanidade