María Asunción Barrio Calle, secretaria xudicial da Sala do Social do Tribunal Superior de Xustiza da Coruña, fago saber que no procedemento de recurso de suplicación 1346/2010 GA desta sección, seguido por instancia de José Severino Blanco Guerreiro contra o Instituto Nacional da Seguridade Social, a Tesouraría Xeral da Seguridade Social, o Servizo Galego de Saúde, Cerceda Estructuras Metálicas, S.A. e Asepeyo, Mutua de Accidentes de Traballo e Enfermidades Profesionais da Seguridade Social número 151, sobre accidente de grao, con data doce de novembro de dous mil doce se ditou a resolución cuxa parte dispositiva é do seguinte teor literal:

«Decidimos desestimar o recurso de suplicación interposto pola representación letrada de José Severino Blanco Guerreiro contra a sentenza do Xulgado do Social número 1 da Coruña, do 10 de decembro de 2009, en autos número 548/2008, que confirmamos.

Notifíqueselles esta resolución ás partes e á Fiscalía do Tribunal Superior de Xustiza de Galicia, facéndolles saber que contra esta só cabe recurso de casación para unificación de doutrina, que se preparará por escrito ante esta sala do social, dentro dos dez días seguintes á notificación desta sentenza e de acordo co disposto na Lei reguladora da xurisdición social. Se a recorrente non estiver exenta de depósito e consignación para recorrer, deberá ingresar:

– A cantidade obxecto de condena na c/c desta sala no banco Banesto, número 1552 0000 80 (nº de recurso) (dúas últimas cifras do ano).

– O depósito de 600 euros na c/c desta sala número 1552 0000 37 (nº de recurso) (dúas últimas cifras do ano).

Unha vez firme, expídase certificación para constancia no rolo que se arquivará neste tribunal, incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta a nosa sentenza, o pronunciamos, mandamos e asinamos».

E para que así conste para os efectos da súa publicación no Diario Oficial de Galicia, co fin de que sirva de notificación en forma á empresa Cerceda Estructuras Metálicas, S.A., actualmente en ignorado paradoiro, coa advertencia de que as seguintes comunicacións se farán en estrados, salvo as que deban revestir forma de auto ou sentenza ou se trate de emprazamento, expido e asino o presente edicto.

A Coruña, 12 de novembro de 2012

A secretaria xudicial