Compañía Española de Algas Marinas, S.A. (Ceamsa) solicitou da Alcaldía licenza municipal de obra e actividade para a ampliación dun establecemento dedicado a mellora na produción actual de carraxeninas e pectinas de alta calidade, consistente na automatización do proceso de dosificación e mestura, que se situará no polígono industrial As Gándaras desta localidade. En cumprimento do disposto no artigo 8.3º do Decreto 133/2008, do 12 de xuño, polo que se regula a avaliación de incidencia ambiental, sométese a información pública por un período de vinte días hábiles, co fin de que durante este -que empezará a contarse desde o día seguinte ao da inserción deste anuncio no Diario Oficial de Galicia e no Boletín Oficial da provincia de Pontevedra- poidan examinar o expediente AM/21/12, na Sección de Urbanismo deste concello, as persoas que dalgún modo se consideren afectadas pola actividade que se pretende instalar e formular por escrito as reclamacións ou observacións que xulguen oportunas.
O Porriño, 30 de outubro de 2012
José Nelsón Santos Argibay
Alcalde