De conformidade co establecido nas bases de mobilidade voluntaria do persoal estatutario fixo, correspondente ás categorías de persoal sanitario diplomado e de formación profesional, e de persoal de xestión e servizos das institucións sanitarias de atención especializada do Servizo Galego de Saúde, aprobadas pola Administración e as organizacións sindicais en sesión da mesa sectorial do 23 de decembro de 2009,
Resolvo:
Anunciar a convocatoria do procedemento de mobilidade interna voluntaria do presente ano para persoal fixo, sanitario e non sanitario do Hospital da Costa.
As bases da citada convocatoria estarán expostas nos taboleiros de anuncios do Hospital da Costa.
As solicitudes e a documentación anexa que conteñan a xustificación dos requisitos e méritos achegados deberán presentarse no Rexistro do Hospital da Costa, no prazo de vinte (20) días hábiles contados desde o seguinte ao da data de publicación do anuncio desta convocatoria no Diario Oficial de Galicia.
Así mesmo, poderán presentarse en calquera dos rexistros previstos no artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.
Contra esta resolución e as bases do procedemento poderase interpor recurso de alzada, ante a Dirección de Recursos Humanos do Servizo Galego de Saúde, no prazo dun mes contado a partir do día seguinte ao da súa publicación nos termos dos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.
Burela, 25 de outubro de 2012
José Insua Pernas
Director xerente do Hospital da Costa