En virtude da Orde da Consellería de Facenda do 21 de xullo de 2011 (DOG nº 142, do 26 de xullo) convocouse o proceso selectivo para o ingreso no corpo de xestión de Administración da Xunta de Galicia, subgrupo A2, escala de xestión e sistemas de informática.
O tribunal designado para cualificar o dito proceso acordou facer pública e elevar á Dirección Xeral da Función Pública a relación de aspirantes que o superaron en la Resolución do 3 de setembro de 2012 (DOG nº 174, do 12 de setembro).
Co obxecto de que os/as aspirantes que superaron o dito proceso selectivo poidan ser nomeados funcionarios do corpo de xestión de Administración da Xunta de Galicia, subgrupo A2, escala de xestión e sistemas de informática, e segundo o disposto na Lei 7/2007, do 12 de abril, no Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia, e demais normativa concordante, esta consellería
DISPÓN:
Convocar os/as aspirantes que superaron o proceso selectivo para o ingreso no corpo de xestión de administración da Xunta de Galicia, subgrupo A2, escala de xestión e sistemas de informática, ao acto de elección de destino provisional que terá lugar no salón de actos núm. 2 pequeno da Consellería de Presidencia, Administracións Públicas e Xustiza (Edificio Administrativo San Caetano, s/n, Santiago de Compostela) o día 30 de novembro de 2012 ás 13.00 horas.
Os aspirantes convocados poderán elixir entre os postos que se relacionan no anexo desta orde segundo a orde acadada no proceso selectivo, sempre que reúnan as condicións exixidas nel.
Os aspirantes deberán ir provistos de DNI ou outro documento que acredite fidedignamente a súa identidade; no caso de non comparecer persoalmente, poderán ser representados por terceiras persoas con poder notarial suficiente.
Aos aspirantes que non comparezan persoalmente ou por medio de representantes seranlles adxudicadas en destino provisional as prazas que lles correspondan atendendo á orde de publicación destas e ao número obtido no proceso selectivo, unha vez concluído o proceso de adxudicación das prazas aos/ás aspirantes presentes ou representados, entre as que queden sen adxudicar.
Os aspirantes poderán solicitar ser declarados en excedencia voluntaria por prestación de servizos no sector público ou por interese particular reguladas no artigo 57.1 do Decreto lexislativo 1/2008, do 13 de marzo –redacción dada polo artigo 25 da Lei 15/2010, do 28 de decembro (DOG nº 250, do 30 de decembro)–. No primeiro suposto deberán presentarse ao chamamento cun certificado do responsable da súa unidade de persoal en que conste a condición con que presta servizos na actualidade.
Contra esta orde, que pon fin á vía administrativa, poderase presentar recurso potestativo de reposición ante a conselleira de Facenda, no prazo dun mes contado desde o día seguinte ao da publicación desta orde no Diario Oficial de Galicia, ou directamente recurso contencioso-administrativo, no prazo de dous meses contados dende esa mesma data, ante a Sala do Contencioso-Administrativo do Tribunal Superior de Xustiza de Galicia, conforme o disposto na Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 20 de novembro de 2012
Elena Muñoz Fonteriz
Conselleira de Facenda
Anexo
Núm. |
Código do posto |
Cons |
Denominación |
Grupo |
Nivel |
Centro destino |
Centro directivo |
Concello |
1 |
CUC030000315770006 |
CU |
Analista programador |
B |
22 |
S. X. da Biblioteca Nacional de Galicia |
Dirección Xeral do Libro, Bibliotecas e Arquivos |
Santiago de Compostela |
2 |
CUC030000315770009 |
CU |
Analista programador |
B |
22 |
S. X. da Biblioteca Nacional de Galicia |
Dirección Xeral do Libro, Bibliotecas e Arquivos |
Santiago de Compostela |
3 |
INC020000015770135 |
IN |
Analista programador/a |
B |
22 |
Secretaría Xeral |
Secretaría Xeral Técnica |
Santiago de Compostela |
4 |
MAS020000015770055 |
MA |
Analista programador/a |
B |
22 |
Secretaría Xeral do IGVS |
IGVS/Secretaría Xeral do IGVS |
Santiago de Compostela |
5 |
PEC994020136600080 |
PE |
Analista programador/a |
B |
22 |
Centro de Investigacións Mariñas Corón-Vilanova de Arousa |
Servizos periféricos |
Vilanova de Arousa |
6 |
SAC020000315770017 |
SA |
Analista programador/a |
B |
22 |
S. X. de Sistemas e Tecnoloxías da Información |
Secretaría Xeral Técnica |
Santiago de Compostela |
7 |
TRA010000015770006 |
TR |
Analista programador |
B |
22 |
Dirección do Instituto Galego de Seguridade e Saúde Laboral |
Instituto Galego de Seguridade e Saúde Laboral |
Santiago de Compostela |
8 |
TRC020000615770046 |
TR |
Analista-programador/a |
B |
22 |
S. X. de Tecnoloxías da Información |
Secretaría Xeral Técnica |
Santiago de Compostela |