O 26 de setembro de 2012, a xefa territorial da Consellería de Sanidade da Coruña ditou a resolución do expediente sancionador 2012200TA-CO incoado a José Castro Bouzas.
Intentada a notificación da resolución segundo o disposto no artigo 59.2 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e ao abeiro do disposto no número 5 do devandito artigo, notifícaselle a José Castro Bouzas o contido da dita resolución que figura como anexo, para que poida ter coñecemento del.
Así mesmo, fáiselle saber o dereito que o asiste para interpoñer recurso de alzada, ante a conselleira de Sanidade, no prazo dun mes contado desde o día seguinte ao da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consultar o expediente, depositado nas dependencias da xefatura, sita na rúa Gregorio Hernández, 2-4, A Coruña e a obter, de ser o caso, copia do expediente, segundo o previsto na letra a) do artigo 35 da citada Lei 30/1992, do 26 de novembro.
No caso de estar de acordo co contido desta resolución, o aboamento voluntario da sanción poderá facerse no seguinte prazo: 1) as notificadas entre os días 1 e 15 de cada mes, desde a data da notificación ata o día 20 do mes posterior ou, se este non for hábil, ata o inmediato día hábil seguinte; 2) as notificadas entre os días 16 e último de cada mes, desde a data da notificación ata o día 5 do segundo mes posterior ou, se este non for hábil, ata o inmediato día hábil seguinte. Todo isto mediante o ingreso que poderá efectuar en calquera oficina de Caixa Galicia, conta contable 840, código 001; en Caixanova, Recadación Xunta; en BBVA, transacción 1316, NIF S1511001H, ou en Banesto, empregando os impresos normalizados que se lle facilitarán nas dependencias da xefatura territorial.
Esta cédula expídese para que conste e lle sirva de notificación ao interesado, en cumprimento do disposto no artigo 59.5 da Lei 30/1992, do 26 de novembro.
A Coruña, 18 de outubro de 2012
Emma Rego Valcarce
Xefa territorial da Coruña
ANEXO
Nº expediente: 2012200TA-CO.
Interesado: José Castro Bouzas.
DNI/NIF/CIF: 76331088-E.
Último domicilio coñecido: avda. Bergantiños, 64-66; 1º F, 15100 Carballo.
Feito imputado: infracción da lexislación aplicable en materia sanitaria.
Artigos infrinxidos: artigo 35.a.1) da Lei 14/1986, do 25 de abril, xeral de sanidade, e artigo 41.a) e h) da Lei 8/2008, do 10 de xullo, de saúde de Galicia.
Lei 28/2005, do 26 de decembro, de medidas sanitarias fronte ao tabaquismo e reguladora da venda, a subministración, o consumo e a publicidade dos produtos do tabaco, modificada pola Lei 42/2010, do 30 de decembro, nos seus artigos:
Artigo 7. Prohibición de fumar.
Prohíbese fumar, ademais de naqueles lugares ou espazos definidos na normativa das comunidades autónomas, en:
u) Bares, restaurantes e demais establecementos de restauración pechados.
Artigo 19. Infraccións.
1. As infraccións por incumprimento do previsto nesta lei clasifícanse en leves, graves e moi graves.
2. Consideraranse infraccións leves:
a) Fumar nos lugares en que exista prohibición ou fóra das zonas habilitadas para o efecto.
Tipificación: leve.
Sanción imposta: trinta (30) euros.
