Ás 11.30 horas do día 11 de decembro de 2012 celebrarase no salón de actos do edificio administrativo situado na rolda da Muralla, nº 70, de Lugo, perante a mesa presidida polo subdirector xeral do Patrimonio, coa asistencia dun letrado da Asesoría Xurídica da Xunta de Galicia, un representante da Intervención Xeral da Comunidade Autónoma, e un funcionario da Secretaría Xeral Técnica e do Patrimonio, que actuará como secretario, primeira poxa pública dos seguintes lotes de bens inmobles patrimoniais da Comunidade Autónoma de Galicia, dos que foi acordado o seu alleamento polas ordes da Consellería de Facenda do 22 de maio e do 10 de setembro de 2012.

1. Urbano. Terreo sito na vila de Ribadeo, concello do mesmo nome, na rúa Casa do Pobo, nº 4. Linda: pola súa fronte coa dita rúa, o tamén chamado camiño A Lodeira; polas costas, labradío de Francisco Díaz Braña; pola dereita, entrando, con casa de Joaquín López; e pola esquerda, con labradío de José Díaz Braña.

Inscrito no Rexistro da Propiedade de Ribadeo como predio nº 10.237, tomo 313, libro 135 e folio 161 e 162. Referencia catastral: 8227028PJ5282N0001QD.

Tipo de licitación: 60.403,75 euros.

2. Parcela nº 57 do polígono 86, Vilarmeá I, situada no lugar da Camposa (Friol), matogueira dunha superficie de 4 áreas e 32 centiáreas aproximadamente. Linda: norte, herdeiros de Dolores García; sur, Jesús e Manuel Santos García; leste, herdeiros de Generosa Saavedra; oeste, herdeiros de Generosa Saavedra.

Inscrita no Rexistro da Propiedade nº 2 de Lugo como predio nº 6.267, tomo 1.029, libro 53 e folio 150. Referencia catastral: 27020A086000570000BB.

Tipo de licitación: 468,08 euros.

3. Parcela nº 59 do polígono 86, Vilarmeá II, situada no lugar da Camposa (Friol), matogueira dunha superficie de 4 áreas e 32 centiáreas aproximadamente. Linda: norte, herdeiros de Dolores García; sur, Jesús e Manuel Santos García; leste, Purificación Fernández García e herdeiros de Generosa Saavedra; oeste, herdeiros de Generosa Saavedra.

Inscrita no Rexistro da Propiedade nº 2 de Lugo como predio nº 6.268, tomo 1.029, libro 53 e folio 151. Referencia catastral: 27020A086000590000BG.

Tipo de licitación: 468,08 euros.

4. Parcela nº 60 do polígono 86, Vilarmeá III, situada no lugar da Camposa (Friol), matogueira dunha superficie de 3 áreas e 84 centiáreas aproximadamente. Linda: norte, herdeiros de Dolores García; sur, herdeiros de Generosa Saavedra; leste, predio dun veciño de Trasmonte que corresponde á parcela catastral 64 do polígono 86; oeste, Purificación Fernández García.

Inscrita no Rexistro da Propiedade nº 2 de Lugo como predio nº 6.269, tomo 1.029, libro 53 e folio 152. Referencia catastral: 27020A086000600000BB.

Tipo de licitación: 416,07 euros.

5. Parcela nº 202 do polígono 247, Torna, situada na parroquia de Bra (San Martiño) en Friol, tamén coñecida como Lousado, prado dunha superficie de 5 áreas e 76 centiáreas aproximadamente. Linda: norte, José Cabo Campo; sur, camiño de servizo e outros predios; leste, Carmen Pereira Corredoira; oeste, Carmen Pereira Corredoira.

Inscrita no Rexistro da Propiedade nº 2 de Lugo como predio nº 6.270, tomo 1.029, libro 53 e folio 153. Referencia catastral: 27020A247002020000GX.

Tipo de licitación: 319,23 euros.

6. Parcela nº 194 do polígono 247, Torna, situada na parroquia de Bra (San Martiño) en Friol, tamén coñecida como Lousado, prado dunha superficie de 6 áreas e 24 centiáreas aproximadamente. Linda: norte, Jacinto Lourés Vig; sur, José Fernández Devesa e herdeiros de Generosa Saavedra; leste, Jacinto Lourés Vig; oeste, herdeiros de Generosa Saavedra.

Inscrita no Rexistro da Propiedade nº 2 de Lugo como predio nº 6.271, tomo 1.029, libro 53 e folio 154. Referencia catastral: 27020A247001940000GT.

Tipo de licitación: 345,83 euros.

7. Parcela nº 95 do polígono 241, Pena Trepe, situada no lugar coñecido como Campo da Seara en Friol, prado dunha superficie de 6 áreas e 72 centiáreas aproximadamente. Linda: norte, Obdulia Cabo e José Sancosmed Saavedra; sur, herdeiros de Generosa Saavedra; leste, Fe Vigo; oeste, María Devesa Iglesias.

Inscrita no Rexistro da Propiedade nº 2 de Lugo como predio nº 6.273, tomo 1.029, libro 53 e folio 156. Referencia catastral: 27020A241000950000GS.

Tipo de licitación: 372,43 euros.

8. Parcela nº 315 do polígono 247, Penas Lebres, situada no lugar coñecido como Muíño do Capitán en Friol, pedregal a matogueira dunha superficie de 1 hectárea, 21 áreas e 44 centiáreas aproximadamente. Linda: norte, coas parcelas catastrais nº 313 e 314 do polígono 247 que figuran a nome de Generosa Fernández Zas e con camiño veciñal; sur, coa parcela catastral nº 325 que figura a nome de Antonio Fraga Peteiro e coas parcelas nº 317 e 318 que figuran a nome de Jesús Cabo Campo; leste, coas mesmas parcelas nº 313, 314 e 325; oeste, coas mesmas parcelas 318, 317 e, en parte, camiño.

Inscrita no Rexistro da Propiedade nº 2 de Lugo como predio nº 6.274, tomo 1.029, libro 53 e folio 157. Referencia catastral: 27020A247003150000GQ.

Tipo de licitación: 4.296,88 euros.

9. Inmoble situado na rúa dos Foles nº 20 do concello de Viveiro, dunha superficie de 651 m2 que linda: norte, Francisco José Santiago García; sur, José Abad Salgueiro; leste, camiño municipal río Flores; oeste, estrada de situación C-642 de Ribadeo a Ferrol, rúa dos Foles. Inscrito no Rexistro da Propiedade de Viveiro no tomo 828, libro 326, folio 50, predio 33.093. Referencia catastral: 3659403PJ1335N0002EW.

Tipo de licitación: 141.370,32 euros.

10. Parcela B-3 do sector sur K de Lugo duns 1.220,25 m2. Linda: norte, B (10-A); sur, B-4; leste, ZV-3; oeste, límite do Sector Sur-K. Referencia catastral: 8618713PH1681N0001BU.

Servidumes: non ten.

Edificabilidade computable: 5.647,99 m2.

Cargas: as da urbanización do sector sur-K.

Coeficiente de cargas de urbanización: 0,01691577 (pendente de liquidación dos gastos de urbanización da xunta de compensación).

Cota de participación: 0,01522419.

Inscrita no Rexistro da Propiedade de Lugo como predio nº 111.954, tomo 1.695, libro 1.256 e folio 162.

Tipo de licitación: 2.795.755,05 euros.

Os lotes poxaranse independentes, e os interesados poden concorrer a calquera deles. Para tomar parte na poxa é requisito indispensable consignar o 20 % da cantidade sinalada como tipo de licitación do inmoble perante a mesa, ou acreditar que se depositou tal cantidade na Tesouraría Xeral da Xunta de Galicia á disposición da Secretaría Xeral Técnica e do Patrimonio.

Serán pola conta dos adxudicatarios os custos dos anuncios (rateados segundo os tipos dos lotes), así como os orixinados pola adxudicación e formalización da escritura pública de venda; os demais gastos e impostos derivados da transmisión serán de aplicación conforme o disposto na lei.

O prego de condicións que rexe o presente alleamento está á disposición dos interesados na Subdirección Xeral do Patrimonio, rúa da Pastoriza, nº 8, 2º andar (Santiago de Compostela), así como na páxina web da Consellería de Facenda (http://www.conselleriadefacenda.es).

Teléfonos de información: 881 99 90 55/981 54 41 51.

Santiago de Compostela, 17 de outubro de 2012

María del Socorro Martín Hierro
Secretaria xeral técnica e do Patrimonio da Consellería de Facenda