Ao abeiro da Instrución 2/2011, do 12 de abril, para a aplicación da DT terceira da Lei 2/2010, do 25 de marzo, de medidas urxentes de modificación da Lei 9/2002, do 30 de decembro, de ordenación urbanística e protección do medio rural de Galicia, tramítase, por instancia de José Orozco Martínez, a declaración de incursión na situación legal de fóra de ordenación total da nave industrial destinada a comercio e depósito de maquinaria para construción, sita na Ramalleira 44, Santa Comba de Bértola; polígono 2, parcela 49.

De acordo co proxecto técnico presentado de recoñecemento da actividade indicada, e cumprindo co preceptuado no artigo 8.3 do Decreto 133/2008, do 12 de xuño, de avaliación de incidencia ambiental, en relación co artigo 86 da Lei 30/1992, ábrese un período de información pública por un prazo de vinte (20) días hábiles, contados a partir do seguinte ao da última publicación deste anuncio no Diario Oficial de Galicia e no Boletín Oficial da provincia de Pontevedra, para que os que se consideren afectados dalgunha maneira pola actividade que se pretende recoñecer poidan examinar o expediente e facer, de ser o caso, as alegacións pertinentes.

Vilaboa, 10 de outubro de 2012

José Luis Poceiro Martínez
Alcalde