Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición da autorización administrativa e a declaración de utilidade pública, en concreto, da instalación eléctrica que se cita:
Solicitante: Unión Fenosa Distribución, S.A.
Domicilio social: avenida de Arteixo, 171, 15007 A Coruña.
Denominación: LMTS, CTC e RBT A Devesa-Feros.
Situación: Teo.
Características técnicas:
Liña eléctrica de media tensión subterránea, a 20 kV, cunha lonxitude de 0,396 km, con orixe e remate na LMTS SNT-803 entre o CT Feros (expediente IN407A 2/2002) e o CT Devesa-Sur (expediente IN407A 319/2007) unha vez que entre e saia do CT proxectado, condutor tipo RHZ1-2OL-12/20 kV 3×(1×240 Al).
Centro de transformación prefabricado, cunha potencia de 160 kVA, e unha relación de transformación de 20.000/400-230 V.
Nova rede de baixa tensión aérea, cunha lonxitude de 1,302 km, e condutor RZ, en apoios de formigón con orixe no CT proxectado.
Rede soterrada de baixa tensión de 0,020 km, en condutor XZ1, coa orixe no CT proxectado e remate na actual rede de BT.
A relación concreta e individualizada dos bens ou dereitos afectados polo procedemento de expropiación forzosa figura no anexo.
Todas aquelas persoas ou entidades que se consideren afectadas poderán examinar o expediente e presentar as súas alegacións nesta xefatura territorial, sita no Edificio Administrativo de Monelos, rúa Vicente Ferrer, 2, 2º andar, no prazo de vinte días a partir da última publicación ou notificación individual.
É de significar que esta publicación se realiza igualmente para os efectos determinados polo artigo 59.5 da Lei 30/1992, do 26 de novembro, de réxime xurídico das administracións públicas e do procedemento administrativo común, cando os interesados sexan descoñecidos, se ignore o lugar de notificación, ou ben cando, intentada a notificación, non se puidese realizar, e deste xeito dirixir ao Ministerio Fiscal ás dilixencias que se produzan sobre estes, de conformidade co artigo 5 da Lei do 16 de decembro de 1954, sobre expropiación forzosa.
A Coruña, 11 de outubro de 2012
Susana Vázquez Romero
Xefa territorial da Coruña
anexo
Relación de propietarios, bens e dereitos afectados
Expediente nº: 180/12. Concello: Teo. Provincia: A Coruña.
LMTS, CTC e RBT A Devesa-Feros.
Nº predio |
Lugar |
Cultivo |
Nome e apelidos Enderezo |
Afeccións CT |
|
Nº |
m2 |
||||
1 |
Devesa |
Prado |
Jesús García Rivas Lg. Cacheiras, nº 18, 15883 Teo, A Coruña |
CT + beirarrúas + poste BT+ acceso + canaliz. subterr. |
29.0 |