Juan Rey Pita, secretario xudicial do Xulgado do Social número 3 da Coruña, fago saber que no procedemento ordinario 912/2010 deste xulgado do social, seguido por instancia de Fundación Laboral de la Construcción contra a empresa Edificación e Infraestructura, S.A., sobre ordinario, ditouse a seguinte resolución:

«A Coruña, 5 de outubro de 2012.

Carlos Villarino Moure, maxistrado-xuíz do Xulgado do Social número 3 da Coruña, tras ver estes autos sobre ordinario entre partes, dunha e como demandante Fundación Laboral de la Construcción, pola que comparece o letrado Anxo Quiroga Fernández, e doutra como demandado Edificación e Infraestructura, S.A., que non comparece malia estar citada en legal forma.

Resolución. Estimo a demanda formulada pola Fundación Laboral de la Construcción fronte á empresa Edificación e Infraestructura, S.A., polo que condeno a empresa demandada a aboarlle á demandante a cantidade de 801,22 euros máis a recarga do 20 % por demora.

Notifíquese esta sentenza ás partes advertindo que contra ela non cabe ningún recurso.

Así por esta a miña sentenza, definitivamente xulgando, pronúncioo, mándoo e asínoo.

Publicación. Lida e publicada foi a anterior sentenza polo maxistrado que a ditou, achándose celebrando audiencia pública no día da data, do que dou fe».

E para que sirva de notificación en legal forma a Edificación e Infraestructura, S.A. expídese este edicto para a súa inserción no Diario Oficial de Galicia.

A Coruña, 15 de outubro de 2012

O secretario xudicial