Visto o expediente para outorgamento de autorización administrativa e aprobación do proxecto de execución da instalación eléctrica que a seguir se cita:

Solicitante: BEGASA.

Domicilio social: r/ Cidade de Viveiro, 4, 1º, 27002 Lugo.

Denominación: desmontaxe CTC 07338 Carrocerías.

Situación: concello de Viveiro.

Características técnicas:

– Eliminación da LMT aérea derivación ao CTC 07338 Carrocerías e da caseta do CT.

– CT e seccionamento de compañía en edificio prefabricado existente, no cal se instala a máquina transformadora do actual CTC 07338 Carrocerías de 250 kVA, dúas celas de liña, unha cela de protección e unha de interruptor automático e un cadro de baixa tensión formado por catro saídas.

– Adecuación das RBT, con orixe no cadro de baixa tensión proxectado no CTC e final nos circuítos de baixa tensión existentes.

Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:

Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.

Contra esta resolución poderase interpor recurso de alzada ante o conselleiro de Economía e Industria no prazo dun mes, contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.

Lugo, 8 de outubro de 2012

José Manuel Vázquez Leirado
Xefe territorial de Lugo